Amets Arzallusek eta Marc Parramonek zuzendutako Altsasu (Gau hura) dokumentala emango du gaur Kanaldudek, 20:00etan. 2016ko urriaren 15ean Altsasuko (Nafarroa) Koxka tabernan izandako istiluen gainekoa da filma. 2021ean estreinatu zuten, Bartzelonako Docs jaialdian, eta Altsasuko auziaren tratamendu mediatikoa eta euskal gatazkarekin duen harremana azaltzen dute hartan.
Dokumentala kronologikoki landuta dago. Gertaera bera da abiapuntua, filmean zero unea deitzen diotena. Eta hartatik hasita, Altsasuko gazteen auziaren egutegiari jarraitzen diote Parramonek eta Arzallusek, eta istorioaren parte diren gazteei erreparatu. Protagonisten artean daude, besteak beste, Iñaki Abad Koxka tabernako tabernaria eta Bel Pozueta Adur Ramirez gaztearen ama.
Kanaldudek 'Altsasu (gau hura)' filma emango du gaur
Iruzkinak
Ez dago iruzkinik
Ordenatu
