Ikus-entzunezko kontseilu bat iragarri du Jauregik

TELEBISTA. Espainiako ikus-entzunezkoen kontseilua sortuko dute uda aurretik, Ramon Jauregi Espainiako Presidentetzako ministroak iragarri duenez. Kontseilu horrek zigorrak jartzeko ahalmena izango du, eta hedabideetako edukietan ardura izango du. «Kontseiluak elkarbizitzako balioak berreskuratu eta giro asaldatuei aurre egingo die», azaldu du Jauregik. «Kezkagarria da oldarkortasuna, iseka eta konfrontazioa telebistako ikuskizunaren parte direla ikustea».