Arratsaldeko hirurak aldera, hamabi bat izurde azaldu dira Pasaiako portuko uretan. Badiaren erditik egin dute igerian. «Arrainen atzetik dabiltza», Nahia Arraras pasaitarrak kontatu duenez.
Bizilagunak jabetu dira animalia horiek itsasotik portura sartu direla, taldean. Batzuek argazkiak atera dituzte, besteek bideoak, eta ontzi txikia zuten batzuek erabaki dute itsasora ateratzea, izurdeak gertu-gertutik ikusteko. Animaliak, baina, beldurtu egin dira, eta Oiartzun ibaiaren ahorantz abiatu dira, Lezo eta Errenteria (Gipuzkoa) aldera.
Hona izurdeak ikus daitezkeen bideo bat:
Arratsaldeko hirurak aldera, hamabi bat izurde azaldu dira Pasaiako Portuko uretan. Badiaren erditik egin dute igerian, ordu erdiz. «Arrainen atzetik dabiltza».@nerenereaahttps://t.co/qPF7eKg6Srpic.twitter.com/PCT7zYuvBZ
— Berria.eus (@berria) July 11, 2024
Arratsaldeko seitarako gutxi falta zela, Pasaiako Udalaren aurrean zeuden berriro, eta hamar bat ontzi zituzten inguruan. Itsasoratu diren pasaitarrak animaliak bokale aldera zuzentzeko asmotan aritu dira. Azkenik, itsaso aldera bideratzea lortu dute, eta joan egin dira Pasaiako badiatik.
