«Gustura luzatuko nuke. Abuztuan, Maulera bueltan»

«Oso pozik nago, asko gozatu baitut. Udaleku esaten diote, baina udalekua kontzeptu oso ezberdina da. Gustura luzatuko nuke bidaia, bi edo hiru aste gehiago. Abuztuan, Getxotik Maulera berriro! Hurrengo urtean nire ikastolara joango naiz esperientzia gomendatzera. Jende asko ezagutzeko aukera da, eta bizitzan independentzia sentitzen hasteko modua. Etapa politena Zeraingoa izan zen. Mendi eguna izan zen, eta gero Zerainen kristoren dutxa ederra hartu genuen, eta afaria bertsolariekin. Eta ekitaldiak, Gozategi, Skabidean, eta Porrotx! Mundiala».