EUSKAL FEDIBERTSOA

Gaur egun hauek dira euskal fedibertsoaren komunitatea osatzen duten sare sozialetako batzuk. Sare sozial guztietan euskara da nagusi.

Baleafunk.eus. Audioak kargatzeko, deskargatzeko eta partekatzeko sare soziala da. Eduki guztiak libreak dira.

Lemmy.eus. Foroak dira nagusi Lemmy-n. Komunitateak atalean, askotariko gaien inguruko foroak sor daitezke.

Mastodon.eus. Mastodonen euskarazko bertsioa. Mikroblogetan oinarrituta dago. Twitter-en alternatiba da.

Bideoak.argia.eus.Argia astekariak egiten dituen bideoak biltzen ditu. Bideo horiek deskargatu edo partekatzeko aukera dago.

Peertube.eus. Youtuberen alternatiba gisa aurkezten dute Abaraskakoek. Hartan zabaltzen diren bideoek euskaraz izan behar dute nahitaez.

Pixelfed.eus. Irudiak ditu oinarri. Erabiltzaileek irudiak zabaldu ditzakete, eta beste erabiltzaile batzuen irudiak deskargatu eta partekatu.

Paperjale.eus. Irakurzaletasuna bultzatzea du helburu. Norberak irakurri dituen liburuen iruzkinak, kritikak eta puntuaketa zabaldu daitezke.