Ekologia eta gazteria da Gazte Kliken aurtengo gaia

GASTEIZ. Martxan da Gazte Klik argazki digitalen lehiaketa. 14 eta 25 urte bitarteko gazteek har dezakete parte, eta urriaren 12ra arteko epea dute argazkiak aurkezteko. Aurtengo gaia hau da: ekologia eta gazteria, naturaren gaineko hainbat begirada hirian zehar. Lau sari izango dira, eta irabazleen lanak ikusgai jarriko dituzte. Parte hartzaileen lanekin, berriz, katalogo bat argitaratuko dute.