Bertsoapp. iPhone, iPad eta iPod Touch-erako bertso aplikazioa

Appleren denda birtualean, App Storen, Lander Unanuek (@abarkatxo) garatutako Bertsoapp jolas aplikazioa eskura dugu, doan: http://itunes.apple.com/us/app/bertsoapp/id520116115.

Telebistako Mihiluze saioaren pottokumea estiloko jolasa da Bertsoapp. Aplikazio horrek eskaintzen dituen bertsoak lau edo zortzi oinez osatuta daude. Oinak, errimatzen duten hitzak, bertsoetatik kendu dira, eta jokoaren helburua oin bakoitza dagokion lekuan jartzean datza. Horretarako banan-banan eta ordenan aukeratu behar dira, bertsoak zentzua izan dezan. Oin guztiak jarri eta berehala, aplikazioak bertso osoa zuzenduko du, ondo dauden oinak berdez koloreztatuz eta lekuz kanpo daudenak gorriz markatuz. Ez dago ez puntuaziorik, ez denbora mugarik.