Gainbeheran daude Euskal Herrian karta jokoak? Kanpoko jokoek ordezkatu al dituzte musa, briska, tutea...? Galdera horiei erantzuteko, erreportajea argitaratu zuen BERRIAk maiatzaren 8an. Adituei galdetuta, gazteengan zaletasuna berriz pizten ari dela ondoriozta zitekeen.
BERRIAk ere egin du bere ikerketa informala. Sare sozialetako jarraitzaileei galdetu die karta jokoetan aritzen ote diren, eta, hala bada, zein jokotan.
Ondorioztatu ahal izan dugunez, galdeketari erantzun diotenen artean, igartzen da gazteen artean badagoela interesa. X sare sozialaren bidez erantzun dutenen artean, %37,3k bere burua jokalari gaztetzat definitu du. Gazteen %17,6k erantzun dute ez dutela jokatzen.
Euren burua «ez-gazte» gisa definitu dutenen artean, ehunekoak alderantzizkoak dira: %17,6k erantzun dute jokatu egiten dutela, eta %27,5ek esan dute ez direla kartetan aritzen.
Jokatzen al dugu kartetan? Sakelako telefonoaren eta aisialdi digitalaren aroan, hartzen al dugu denbora mahai baten bueltan eseri eta tarte batez, kontu kontari, lehengo edo oraingo karta jokoetan aritzeko? Gazteek jokatzen dute, edo galdu da ohitura hori?
— Berria.eus (@berria) May 8, 2024
Telegram sare sozialetako jarraitzaileek baieztatu egin dute joera: gazteen %30k adierazi dute jokalariak direla, eta gazte ez direnen artean beste hainbestek adierazi dute ez dutela jokatzen. Halere, helduagoen artean %26k ere esan dute jokatzen dutela.
Zertan jokatzen dute jokatzen dutenek?
Hori argitzeko bigarren galdeketa egin du BERRIAk.
Gehienak eskoban aritzen dira, eta musa da bigarren jokorik gogokoena.
X sare sozialean, berriz, musean aritzen dira gehienak, eta ondoren datoz eskobazaleak.
Karta jokoak izan ditu hizpide asteon @EtxenausiaUnai kazetariak, eta, orain, zuen txanda da. Kartetan arituak eta adituak zaretenok: zein da zuen jokorik gustukoena?
— Berria.eus (@berria) May 10, 2024
Besteren bat baldin bada, utzi zure erantzuna iruzkinetan.
Irakurri erreportajea 👇🏽https://t.co/ROGRlcdMRI
