Ehun urte beteko dira aurten, Iñaki Eizmendi Basarri bertsolari eta kazetaria jaio zela. Ospatzeko, hainbat ekitaldi egin dituzte apiriletik, eta azarora arte jarraituko dute. Gaur, Basarri eta bertsogintza hitzaldia emango du Andoni Egañak, hitzaren artistahark txikitatik bizitoki izandako Zarautzen (Gipuzkoa).
Basarri, Errezilgo Granada baserrian jaio zen, 1913ko azaroaren 27an, baina zazpi urte zituelarik, familia osoa Zarauzko Azken Portu tabernako etxera joan zen bizitzera. Zarautzen bertan hil zen, 1999ko azaroaren 3an.
Haren bertsolaritza aztertuko du Egañak gaur, Sortaldea kultur eremuan (Malekoian). Batez ere, bat-bateko bertsolaria izan zen Basarri. 1936ko gerraren ondorengo izen nagusietakoa da harena, Uztapide eta Enbeitarekin batera. Horrez gain, bertsoak idatzi eta argitaratu zituen: Basarri'ren bertso-sorta (1950), Kantari nator (1960) eta Laugarren Txinpartak (1966). Atano III.aren biografia idatzi zuen, bertsotan. Euskal Herriko Bertsolari-txapelketa Nagusia irabazi zuen 1935ean eta 1960ean.
Azaroaren 29an egingo dute haren omenezko ekitaldi nagusia. Basarritik Azken Portura ikuskizuna taularatuko dute, eta Zarautz Abesbatzak kontzertua emango du.
HITZALDIA
Noiz. Gaur, 19:30ean.
Non. Sortaldea kultur eremuan, Zarautzen.
Basarriren bertsoen inguruan
Andoni Egañak Iñaki Eizmendiren bertsogintzaz jardungo du, hitzaren artistaren mendeurrena dela eta
Iruzkinak
Ez dago iruzkinik
Ordenatu
