Azalorea oinarri hartuta prestatu du Iker Markinezek aste honetako errezeta.
Azaloreak, 2 Piper gorri erreak, dozena bat Ziazerba, 300 g Tipula gozoa, 1 Esnea, litro bat Irina, 110 g Gurina, 100 g Gatza Piper hauts beltza Idiazabalgo gazta
Errezeta honetako osagai guztiak garaikoak ditugu. Izan ere, oraintxe puri-purian ditugu azaloreak eta ziazerbak. Piperrak, berriz, azken momentuan ditugu. Beraz, goza dezagun produktu hauetaz. Bexamela egiten hasiko gara lehenik. Horretarako, gurina lapiko batean jarri, eta tipula gehituko diogu, xehe-xehe moztuta. Hamabost bat minutuz su motelean erregosi. Orduan, irina nahastu, eta, etengabe irabiatuz, esne beroa pixkanaka-pixkanaka gehituz joan. Gatz pixka bat bota, piper hauts beltza ere bai, eta bost minutuz irakin, nahasteari utzi gabe.
Bitartean, azaloreak egosiko ditugu. Urez beteriko lapiko bat sutan jarri, gatz pitin batekin, eta irakiten hastean azaloreak gehitu, pusketa txikietan. Hamabost edo hogei bat minutuz irakin, gutxi gorabehera. Gaurko errezetarako ez dugu gehiegi egosterik nahi. Ondoren, ura ondo kendu, eta labeko erretilu baten erdira atera azalore puskak.
Ziazerbak frijitu lapiko batean, olio txorrotadatxo batekin, eta ikusiko duzue pare bat minutuan prest izango ditugula. Pikillo piperrak zerrendatan moztu. Ziazerbak eta piperrak zabaldu labeko erretiluan dugun azalorearen gainean. Eta, ondoren, bexamelaz estali. Idiazabalgo gazta birrindu bexamelaren gainean.
Labea 200 gradutan berotzen jarri eta bero dagoenean bertan sartu hamar minutuz, ongi gorritu arte.
Prest dugu!
