Applek musika kate bat sortu du, MTVren estilokoa

LOS ANGELES. Apple konpainiak Apple Music TV telebista katea abiarazi du. Bideoklipak izango dira programazioaren ardatza, eta ez du iragarkirik izango. Halaber, musikarekin lotutako ekitaldi bereziak eta kontzertuak emango ditu. Bihar Bruce Springsteenekin egindako elkarrizketa bat emango du, disko berria argitaratzeko atarian.