Antxon Ezeizaren lan osoa katalogatu dute

ZINEMA. Antxon Ezeiza zinemagilearen (Donostia, 1935-2011) funts dokumental, grafiko eta bibliografikoa jaso eta katalogatu du Euskadiko Filmategiak. Bilduma material bibliografikoz, zinematografikoz eta audioz osatuta dago, eta 257 erregistro sortu dituzte; Ezeizak idatzitako gidoiak, sinopsiak, testuak, gutunak eta artikuluak daude haien artean.