'Anne Franken egunkaria' nobela grafiko eta film bihurtuko dute

LITERATURA.Anne Franken egunkaria beste bi formatutan ezagutu ahal izango da laster. Anne Frank fundazioak jakinarazi duenez, «literaturako agiririk zirraragarrienetako bat» nobela grafiko eta film bihurtuko dute datozen hilabeteetan. Ari Folman zinemagilea eta David Polonsky ilustratzailea arduratuko dira lan hori egiteaz. Naziengandik ezkutatua egon bi urteetan gertatutakoa kontatu zuen Franken lan horretan. 1945ean hil zen Bergen-Belseneko (Alemania) kontzentrazio esparruan.