Abereak eta euskal produktuak kaleetan

Bihar egingo dute, Leioan, (Bizkaia) 33. Abeltzaintza eta Nekazaritza azoka. Egitarau oparoa prestatu dute. Azokari hasiera eman ondoren, 11:00etan, Gure Ohiturak dantza taldeak emanaldia egingo du Bulebarrean. Ordu berean, Errekalde plazan, herri kirolak izango dira, Bizkaia Open txapelketako finalak, hain zuzen. 12:00etan, Idiazabalgo gazten txapelketa egingo da, ekoizle bizkaitarrentzat. Goiz osoan, abere erakustaldia, nekazaritza produktuen erakusketa, salmenta eta dastatzea egongo dira,Bulebarrean eta Errekalde plazan.

Nekazaritza eta abeltzaintza azoka

Bihar, 10:00etan, Leioan (Bizkaia).