Zaintzaileak. Zainduak. Zaintza zerbitzuak. Zaintza greba. Zaintzaren etika. Ikasturteko eztabaida eta aldarrikapen gai nagusietako bat izan da zaintza. Iazko azaroaren 30ean lehen aldiz egin zen Hego Euskal Herrian greba feminista orokor bat zaintza eskubide kolektiboa aldarrikatzeko, baina kontzeptu hori garatzeke, mamitzeke eta konkistatzeke dago oraindik, Mari Luz Esteban antropologoaren eta Amaia Perez Orozco ekonomialariaren ustez. Bide luzea egina dute biek feminismoaren barruan, zaintzaren inguruko hausnarketetan eta praktiketan, eremu eta diziplina diferenteetatik bada ere. Askatzeko moduan ikusi dituzte korapilo batzuk, baina beste galdera batzuk ere planteatu dituzte.