Eginkizuna

BERRIA 2003an Euskaldunon Egunkaria bortxaz itxi ondoren herri ekimenez sortutako euskarazko egunkari nazionala da, mundua eta Euskal Herria ulertzen laguntzen duen kazetaritza eskaintzen diena irakurleei.

Begirada propiarekin, Euskal Herritik eta Euskal Herrirako sortutako kazetaritza egiten du, kalitatezkoa eta fidagarria, jendearen behar eta kezkekin lerrokatua, independentea, menpekotasunik gabea eta sentsibilitate guztiei leku egiten diena.

Euskaldunok euskaraz bizi ahal izateko eguneroko lanabes bat da BERRIA, eta izaera, adin eta jatorri guztietako euskal hiztunen elkargune izateko sortua da, baita euskalgintzaren eta kulturgile euskaldunen plaza izateko ere.

Era berean, Euskal Herriko gizarte pluralaren kohesioa sustatzen du, ahotsa emanez gizarte justu baten alde egiten duten mugimenduei.

Komunitatea, erdigunean

Komunitatearen ekarpenari esker bermatzen du BERRIAk bere independentzia.Komunitate horri esker dira posible etengabeko berrikuntza eta edukiak libre eta doan eskaintzen jarraitzea.

BERRIAk irakurleen eta publizitatearen ekarpenei esker lortzen ditu bere diru sarreren %70.

Horrek aukera ematen dio inolako menpekotasunik gabeko kazetaritza egiteko. Apustu horri eutsi nahi diogu, komunitatea gure jardunaren erdigunen jartzeko bideetan sakonduz.

Horregatik da ezinbestekoa ahal duten irakurleen ekarpen ekonomikoa. Herritarrek sortu zuten BERRIA, eta herritarrek egin behar dute BERRIA.

Nork osatzen du BERRIA

BERRIA TALDEA 223 langile profesional eta engaiatuek osatzen dute. Hauen ahaleginari esker argitartu eta banatzen da egunero BERRIA.

Kazetari, diseinatzaile, zuzentzaile, dokumentalista, kudeatzaile, administrari, telefonista, komertzial, informatikari, banatzaile eta marketin zein giza baliabideetako langile talde konprometitu bat, mundua eta Euskal Herria ulertzeko gakoak eskainiko dituen kalitatezko egunkari bat egiteko miraria posible egiten duena.

EKT S.A.

Sozietatearen Izaera

Euskarazko Komunikazio Taldea, SA (EKTSA) 2003ko maiatzaren 29an eratu zen, euskarako hedabidek sortu eta sustatzea helburu izango zuen enpresa talde baten buru eta ardatz izateko asmoz.

Jarduera

Sozietatearen helburu soziala honakoa da (EKTSAren estatutu sozialetako 4. artikulua):

• • Beregain nahiz besteren kontura ale inprimatuak, liburuak, diskoak, errebistak eta egunkariak editatzea eta argitaratzea, baita haiek inprimatzea, banatzea, saltzea eta publizitatean ustiatzea ere.

• • Interneteko jarduerak egitea, atariak sortu, garatu eta ustiatzea barne, baita informazio, trebakuntza eta posta elektronikoko zerbitzuak ematea ere.

• • Informazioa sortu eta ematea, bitarteko telematiko, informatiko edo zernahi euskarri multimediaren bitartez.

• • Telekomunikazio zerbitzuak ustiatzea, tartean telefonia, irratia, telebista, datu transmisioa eta zernahi bitarteko elektroniko direla, denak ere beren mota guztietan.

• • Entzunezko edo ikus-entzunezko zernahi motatako lanak eskuratu, eman eta merkaturatzea ere.

• • Publizitate espazioak ustiatzea, beregain nahiz besteren kontura.

• • Beste kultur zerbitzuak, aisialdikoak, entretenigarriak eta atsegingarriak ematea eta merkaturatzea.

• • Komunikabideek, berek nahiz besterenek, zein audientzia duten ikertu eta aztertzea.

• • Aholku zerbitzuak eman eta merkaturatzea, informazio, publizitate, kultura, aisialdi, entretenimendu eta zernahi ekitaldi motaren antolaketari loturiko arloetan.
  Sozietateak zuzenean nahi zeharka egin ditzake aipaturiko jarduerak, osoki nahiz zatika, beste sozietate batzuetan ere parte hartuz.

Eraketa

Helburu soziala betetzeko, sozietateak beste zenbait sozietate mugatu eratu ditu orain arteko ibilbidean: 2003an 6, EKTren erabateko gehiengoarekin eta guztien artean BERRIA talde osatuz; handik aurrera, berriz, beste hainbat Euskal Herriko beste eragileekin bazkidetzan, beti ere euskal komunikazio eremua indartzeko joateko helburu argiarekin.

Administrazio kontseilua

BERRIA Taldea administratzeko, sozietatearen estatutu sozialei jarraiki, Administrazio Kontseilua eratu zen. Honako hauek osatzen dute Administrazio Kontseilua 2023ko ekainaren 3tik:

Kontseilari ordezkari lanetan Iban Arregi ari da 2013tik ekainaren 1etik aurrera.