Huhezinemara aurkeztutako film laburren artean emakumeen presentzia hobekien islatzen duen lana izateagatik saritu dute Arriolaren Hor konpon. Emakume zuzendari batek egin duen edo emakumeen rola eta berdintasuna ardatz dituen euskarazko labur bat saritu nahi izan du egunkariak.
Euskal kultura eta hizkuntza sustatu nahi izan ditu BERRIAk sariaren bidez, baita feminismoarekin eta ingurunearen zaintzarekin loturiko balioak plazaratu ere. Sariaren irabazleak 350 euro eta sei hilabeteko harpidetza eskuratu ditu, baita BERRIAren produktuen sorta bat jaso ere.
