Partida gogorra jokatu dute bart Bikotekako Txapelketan Unai Laso-Ander Imaz eta Peio Etxeberria-Beñat Rezusta bikoteek. Azken unera arte lehiatu dira.
Izan ere, finalerdietarako ligaxkarako sailkatzea zuten jokoan. Aurrelariak urduri aritu ziren, baina atzelariek partida sendoa jokatu zuten.
Nolabait ere, buelta eman zioten partidari Lasok eta Imazek, une batean 7-12 galtzen joan direlako. Baina segituan jarri dira 18-14. Edonola ere, azken pilotakadan erabaki da partida.
«Partida txarra egin dut», esan du Lasok, eta azken egunotan gaixorik egon dela adierazi du. «Huts asko egin ditut, baina Anderrek eutsi dio atzean, eta horri esker irabazi dugu».
