Balentria egin du Daiki Hashimoto Japoniako gimnastak. Banakako finala irabazi du, eta gizonezkoetan gimnastikako inoizko txapeldunik gazteena bilakatu da; laster beteko ditu 20 urte. Barrako azken ariketan lortu du urrezko domina ziurtatzea. 88,465 puntu batu ditu guztira. Bigarren Xiao Ruoteng txinatarra izan da, eta hirugarren Nikita Nigornyy errusiarra.
«Ezin dut hitzekin adierazi zer poz sentitzen dudan», esan du Hashimotok, urrea irabazitakoan. Aurrerantzean ere konfiantza izan nahi duela eta aurrera begiratzen segitu nahi duela azpimarratu du.
