Gizonezkoen eskubaloian txapelketa bikaina egiten ari da Espainiako selekzioa, hirutik hiru neurketa irabazita. Alemaniari eta Norvegiari nagusitu eta gero, gaur Brasil hartu du menpean, eta jada sailkatuta dago final-laurdenetarako. Eduardo Gurbindok hogei minutu inguru jokatu du erasoan eta defentsan, eta Julen Aginagalde ez du deialdian sartu Jordi Ribera hautatzaileak.
Emaitzak besterik badio ere, neurketa ez da erraza izan. Lehen zati ia osoa galtzen joan da Gurbindoren eta Aginagalderen taldea, baina atsedenaldira 18-16 aurretik joatea lortu du. Bigarren zatian arriskatu egin behar izan dute hegoamerikarrek, eta horri esker aldea handitu ahal izan du Espainiak.
Hurrengo neurketa Frantziaren aurka jokatuko dute, etzi, 07:15ean, eta multzokako fasea igandean amaituko dute, Argentinaren aurka.
