Virginia Diaz hirugarren izan da, eta finalerdietarako sailkatu da

Olinpiar sua piztu ondoren, Virginia Diaz izan da Jokoetan parte hartu duen lehen euskal kirolaria, eta primeran hasi da du txapelketa. Arraunean ari da parte hartzen, lemazainik gabeko bikoteko proban, Aina Cid kataluniarrarekin, eta finalerdietarako sailkatzea lortu dute. 02:50ean hasi da karrera, Sea Forest kanalean, eta, irteera ona egin ez badute ere, atzetik aurrera joan dira, eta hirugarren sailkatu dira. Postu horretan zuzenean lortu dute finalerdietarako sailkatzea, eta ez dute beste estropadarik jokatu beharko horretarako. Uztailaren 27an jokatuko ditu finalerdiak.