Espainiako txirrindularitza selekzioaren masajista batek positibo eman du COVID-19 proban, baina Omar Fraile, Gorka Izagirre eta Ion Izagirre euskal herritarrak errepideko lasterketan lehiatu ahal izango dira bihar, testean negatibo eman dutelako. Hori jakinarazi du Espainiako Olinpiar Batzordeak. Euskal Herrian 04:00ak direnean hasiko da lasterketa.
Errepideko lasterketan, Alejandro Valverderentzat lan egin beharko dute hiru txirrindulariek. Erlojupeko lasterketa uztailaren 28an jokatuko dute, eta horretan Ion Izagirre lehiatuko da, anaietan gazteena (07:00).
