Ander Rodriguez EH Bilduko legebiltzarkideak kargua utziko du, Rodriguezek berak osoko bilkuran jakinarazi duenez. Rodriguez Euskal Herriko Unibertsitateko Geografia, Historiaurrea eta Arkeologia Sailean hasiko da lanean, doktoratu aurreko ikertzaile gisa. 2019ko irailean sartu zen EH Bilduren talde parlamentarioan.
Orain, Garikoitz Mujikak (Idiazabal, 1982) ordezkatuko du, Gipuzkoako hautagai-zerrendako hurrengoak, alegia. Mujika kazetaria da lanbidez, eta 2011n hasi zuen bere ibilbide politikoa, Donostiako Udalean, Juan Karlos Izagirreren eskutik, Alkatetzako idazkari moduan. 2017az geroztik EH Bilduko zuzendari nagusia da.
