Kalkulatu dutenez, 1,5 metroko diametroa eta 5,5 tonako pisua zuen igande gauean Japoniako Kanto eskualdearen gainean lehertu den meteoritoak. Tokiotik iparraldera dago Kanto. Eztanda 150 tona TNTren parekoa izan zen.
«Izar uxoen artean distira handia duen su bola bat ikusi da Japoniako mendebaldeko eremu zabal batean, 29an, 01: 30etik aurrera», idatzi du NHK Japoniako telebista publikoak.
æµÂれ星ã®ä¸ã§も特ã«æ˜Žã‚‹ãÂÂè¼ÂãÂÂç«çÂċÂŒã€Â29日åˆå‰Â1時åŠã™ãÂŽã«ã€Â西日本ã®åºÂƒÃ£Â„範囲ã§ã€Â観測ã•れã¾ã—ãŸ。https://t.co/QCOgTZy7qppic.twitter.com/RKTx7zYwkN
— NHKニュース (@nhk_news) November 28, 2020
Meteoroen Nazioarteko Erakundeak egin ditu kalkuluak. Irudi ikusgarriak zabaldu dira, besteak beste Hiratsukako museoko arduradun Daichi Fujiik etxean jarritako kamera batekin jaso zuelako eztandaren unea. Meteoritoak mendebaldetik ekialdera zeharkatu zuen zerua. Leherketa nuklearrak atzemateko nazioarteko sarearen gailu batek ere jaso zuen leherketa, Kantotik 1.150 kilometrora badago ere.
Adituen arabera, litekeena da meteoritoa atmosferan erre den asteroide baten puska bat izatea.
