Sare Herritarrak sare sozialen bidez eman du berria. Astebururako iragarritako eguraldia dela eta, larunbaterako antolatutako 650 tontor egitasmoa bertan behera uztea erabaki dute. Halere, «sortutako ilusioa, egindako lan izugarria eta animatu den herritar kopurua aintzat hartuta», aurrerago egiteko hautua egin dute: 2021eko maiatzaren 8an.
Milesker guztiei! Tamalez, larunbat honetako #650Tontor ekimena ATZERATZEAren erabakia hartu behar izan dugu eguraldia dela eta. ðŸ™Â
— Sare #IzanBidea ↗︠(@sare_herritarra) October 1, 2020
Sortutako ilusioa, egindako lan izugarria eta animatu den herritar kopurua haintzat hartuta, MAIATZAREN 8ra atzeratzea erabaki dugu. #IzanBideapic.twitter.com/Eag40S8Aju
Sarek uztailean egin zuen egitasmo honetan parte hartzeko deialdia, Izan Bidea egitasmoaren barruan. Helburua zen urriaren 3an Euskal Herriko 650 tontor ingurutara igotzea, «euskal presoen eta iheslarien etxeratzearen alde». Modu horretan, «elkarbizitzaren eta bakearen aldeko» herritarrak elkartu nahi zituzten.
Asteburuan ekimenik egingo ez den arren, larunbatean herrietako plazetan elkartzera deitu du plataformak, «lagunartean, familian edo herriko kideekin» argazki bat atera eta sareetan zabaltzeko, #650Tontor eta #IzanBidea traolak erabilita. Argazkietan, taldeak igotzeko asmoa zuen mendiaren izena jartzeko ere eskatu dute. Horrez gain, urriaren 24an Donostian egingo den manifestazioan parte hartzeko deia egin dute. Kontxako hondartzan mosaiko erraldoi bat osatu nahi dute, egungo espetxe politika aldatzeko eskatzeko.