Ibai Ripodas gazte iruindarrak Twitterren eman du gertakariaren berri. Udalaren jakinarazpen bat jaso du berriki. Hasiera batean bere auzoko Olentzeroaren inguruko ebazpen bat zela uste zuen, baina bere harridurarako sanferminetan izandako liskar bategatik, isuna jarri dio udalak: bost hilabete eta erdi geroago. Bere garaian Ripodasek salatu zuen uztailaren 9ko entzierroaren ostean izandako atxiloketa baten aurka protestan ari zela, ukabilkada jo eta ezpaina hautsi ziotela udaltzainek.
GOGOAN DUZUE UZTAILAK 9an GERTATUTAKOA?
— Ibai Ripodas (@IbaiRip) December 23, 2019
Goizean udaletxearen notifikazioa jasotzera joan naiz,ustez, auzoko olentzeroren ebazpena. Baina ez, izuna zen.
"Denuncia por obstrución de sus labores a un empleado público con uso de violencia,amenaza o intimidación". Día 9 a las 8:08. pic.twitter.com/2gFVoZiN2q
Sanferminetan bertan, Ibai Ripodasek eta entzierroan parte hartzen duten hainbat korrikalarik gertatutakoa salatu zuten kazetarien aurrean, eta gertaeren inguruko euren bertsioa eman zuten. Lasterketan korrikalarien segurtasuna arriskuan jartzea aurpegiratu zioten Enrique Maiaren udalari. «Uste dugu identifikazio hori egin ahal zutela ordu bat lehenago, ordu bat geroago, baina ez entzierroaren unean, bizi den tentsioarekin».
Egindako salaketaren arabera, entzierroa hasi baino ordu erdi lehenago «ezohiko giroa» nabaritu zuten, kalez jantzitako poliziak segika zituztelako eta uztailaren 6ko ikurrinaren kontuarekin zerikusia eduki zezakeela uste zuten. Zezenak San Domingo aldapa igaro eta berehala, udaltzainek gazte bat atxilotu zuten. Horren aurka protesta egin zuten bi lagunak identifikatu egin zituzten, eta Ibai Ripodasek horren aurka protesta egin zuenean, borra luzagarriekin kolpatu zuten. «Hori ez da ez une egokia, ez toki egokia», esan zuen orduan, uztailaren 10ean.
Gertaerak ahaztuta zirenean, heldu zaio udalaren isuna.
Enrique Maya jaunak, kostata, baina aginaldoa bidali dit azkenean, mensajería, policía municipal.
— Ibai Ripodas (@IbaiRip) December 23, 2019
Pues eso, aparte de partirme el morro por un puñetazo y dejarme los San fermines jodidos, ahora me llega esto.
Berriz ere Iruñea grisera bueltatzen ginela bagenekien, baina entzierroan bizitakoa ez nuen imajinatzen.
— Ibai Ripodas (@IbaiRip) December 23, 2019
Bueltatu da talante demokratikoa Iruñera.
Ezin ahaztu Txupinazoan izundutako gazteak zein entzierroan bertan izuna jaso zutenak ere.
GORA SAN FERMIN...abenduaren 23an!
