Gaur hasi da Durangoko Azoka, eta nobedade ugari topatzeko aukera izango da bertan; 405 guztira. Horien artean 273 liburu, 91 disko, hamasei aldizkari eta ikus-entzunezko bost lan daude, baita bestelako hogei produktu ere. Nobedade nagusiak azokako zer lekutan dauden erakusteko infografia interaktibo bat aurkeztu du BERRIAk. Liburuen edo diskoen bilaketa egin daiteke bertan, eta dagokion postua non dagoen azaltzen du. Lehenik, literatura edo musika atalen gainean sakatu behar da, eta bertan agertuko dira Durangoko Azokan dauden liburu edo diskoetako asko. Topatu nahi den tituluaren gainean sakatuta, dagokion erakusmahaia adierazten du goiko mapak. Esaterako, 'Belardo. Ba al zatoz?' komiki liburuaren edo Samara Velteren 'Nik sinesten dizut' liburuaren gainean sakatuz gero, BERRIAren erakusmahaiak non dauden adierazten du, artekaleko 36. eta 37. postuetan. (Sakelakoetan ez dago ikusgai)
Klasikoekin hasi eta ezin BERRIAren salmahaia aipatu gabe utzi. Salgai dauden produktuetako hiru azaldu ditu Ainara Lasa marketin saileko koordinatzaileak. Artekaleko 36. eta 37. erakusmahaietan eskuragarri @berria#54DA#OsorikDApic.twitter.com/IjVQg4G20Q
— Nagore Arin (@nagorearin) December 5, 2019
