Emakumea, espetxea eta presoen sostengu lana. Sare Herritarra plataformak hiru ardatz horiek hartu ditu abiapuntu espetxeko bizitza genero ikuspegitik aztertzeko. Dokumental bat osatu du, lau emakumeren testigantzak elkarrizketa bidez bilduta.
"Espetxean, gainontzeko instituzioetan, moduan, sistema patriarkala birproduzitzen da. Horrek preso diren emakumeengan eragin zuzena du, baina baita kanpoan diren emakumezko senide eta lagunen kasuan ere. Rolen banaketaren eta zaintza lanen gaineko hausnarketa bildu dugu lau emakumeren esperientzia jasoz", azaldu du plataformak.
