[youtube]https://youtu.be/XVjSVAhzhO4[/youtube]
Goizeko bederatzietan hasi eta arratsaldeko zazpiak arte daude zabalik EHUko errektore berria izan dena aukeratzeko hautetsontziak. Hautagai bakarra izanik, Nekane Balluerka, ziurtzat jo daiteke, lehen aldiz, emakumezko bat izango dela errektore. Horretarako, ordea, baliozko botoen herenak lortu behar ditu. Balluerkak Donostian eman du botoa.
#EHUbozak Eman du botoa Nekane Balluerkak https://t.co/ToxGgeEOUtpic.twitter.com/QOKBAET6r1
— Berria.eus (@berria) 2016(e)ko azaroak 24
Kritika ugari jaso ditu. Ikasle mugimenduak eginak dira horietatik gehienak. Azken horiek hautagaia bera bainoago, hauteskunde sistema salatzen dute. Unibertsitatearen norabidearekin desados daudela diote: "Nazkatuta gaude bai EHUz, bai kapitalari men egiten dion hezkuntza sistema honetaz. Nazkatuta beren faltsukeriez eta diskurtso hutsez".
Horiek hala, ikasle mugimenduak manifestazioa antolatu du Leioan, Ikasle borrokaz, geurea eraiki lelopean. 12:00etan ehunka ikasle bildu dira Mikel Laboa plazan. Ordu erdi geroago hasi dute protesta.
Campusean barrena mobilizazioa. EHUren aurkako oihuak @berria#EHUbozakpic.twitter.com/WDgwyadvuO
— Garikoitz Goikoetxea (@ggoikoetxea) 2016(e)ko azaroak 24
Manifestazioa hasi aurretik ere nabariak ziren segurtasun neurri zorrotzak campusaren barruan eta kanpoaldean. Protesta hasi eta gutxira, ordea, Ertzaintzak ikasleei oldartu zaie, eta manifestari bat atxilotu. Atxiloketa horren kontra, Bilboko Arriaga plazan bildu dira arratsaldean, eta eraman duten mutila berehala askatzeko eskatu dute. Ikaslea atxilotu duten lehen karga hori "arrazoirik gabea" izan dela salatu dute, eta ikasleena "autodefentsa" izan dela nabarmendu dute.
Istiluetan Ertzain bat ere zauritu da. Segurtasun indarrek alde egindakoan, baina, ikasleek aurrera jarraitu dute manifestazioan.
Amaieran, ekitaldi bat egin dute Mikel Laboa plazan. Ikasleen "zapalkuntza" salatu dute, eta EHU "burgesiaren mesedetan" dagoela. Arazoa "sistemaren baitan" dagoela uste dute, ez Balluerkaren hautagaitzan, eta "langile klasearen borrokara" deitu dute, "sistema dominatzailea" deusezteko. Errektoretzara gutun bat eramaten saiatu dira, baina sartzea galarazi die Ertzaintzak. Orduan piztu dira berriro istiluak, eta kazetari bat buruan zauritu dute harrikada batez.
Kazetari bat zauritu dute buruan. Kargak pic.twitter.com/Yri4D4z60H
— Garikoitz Goikoetxea (@ggoikoetxea) 2016(e)ko azaroak 24
Guardia Zibilak geldiarazi egin ditu manifestaziora joan asmo zuten ikasleak Gasteiztik Leioara zeramatzaten bi autobus, eta hainbat ikasle identifikatu.
ADI! Guardia Zibilak Leioako #GureaEraiki manifestaziora bidean den autobusa gelditu duela salatu dute.
— Topatu (@topatu_eus) 2016(e)ko azaroak 24
Egungo errektoreak, Iñaki Goirizelaiak, lasaitasuna eskatu du, eta hauteskundeetan parte hartzera deitu ditu guztiak, "guztien artean unibertsitatea eraikitzen jarraitzeko". Goirizelaiak berak hautestontziak ireki eta gutxira bozkatu du. Berdin egin du Balluerkak ere, baina Donostiako campusean. Errektoregaiak "askatasunez bozkatzeko eskubidea" aldarrikatu du.
