Dagoeneko dena—gai jartzaileak, epaileak eta gainontzeko detaileak— prest dagoela esan dute Elkartekoek. Hala, urriaren 9an hasiko da Lekunberrin (Nafarroa), eta 11 saioren ondoren, Barakaldon (Bizkaia) jokatuko da finala abenduaren 18an. San Sebastianek adierazi du txapelketak hiru atal izango dituela: lehenengoz azken laurdenak jokatuko dira, ondoren finalaurreko saioak, eta azkenik finala. Guztira 12 saio izango dira, eta bertsolariak Euskal Herriko punta batetik bestera ibiliko dira.
Guztira 38 bertsolarik kantatuko dutela gaineratu dute: bi arabarrek, 10 bizkaitarrek, 19 gipuzkoarrek, lau nafarrek, eta hiru lapurtarrek. Horietatik 10 emakumezkoak eta 28 gizonezkoak direla, eta bertsolarien bataz besteko adina 28 urtekoa dela ere aipatu dute.
Egaña eta Lujanbio finalean zuzenean
2001. urteko Txapelketa Nagusiko txapeldun Andoni Egaña eta txapeldunorde Maialen Lujanbio zuzenean igaroko dira finalera; beraz, Barakaldoko finalean arituko diren beste sei bertsolariak zein izango diren erabakiko da aurreko saioetan.
Bertsolari Txapelketa Nagusia
Bertsolari Txapelketa Nagusia Bilbao Exhibition Centerren jokatuko da abenduaren 18an
Gaur goizean aurkeztu dute 2005eko Bertsolari Txapelketa Nagusia, Barakaldoko Bilbao Exhibition Center erakustazokan egin duten prentsaurrekoan. Hain zuzen, Euskal Herriko Bertsozale Elkarteak Donostiako Belodromoa atzean utzita, aurten txapelketa Bizkaian egitea erabaki du. Orotara, Txapelketa Nagusian 38 bertsolari lehiatuko direla adierazi du Bertsozale Elkarteko kide Sabino San Sebastianek, eta bertsolariek Euskal Herriko hainbat herritan kantatuko dutela.
Iruzkinak
Ez dago iruzkinik
Ordenatu
