Iparraldean gaueko bederatziak aldera izaten da 'prime time' ordu tartea

Hego Euskal Herrian ez bezala, Ipar Euskal Herrian gaueko 21:00 inguruan hasten da audientzia handieneko programazioa. Europako beste herrialde askotan bezala, Hego Euskal Herrian baino lehenago afaldu ohi dute Ipar Euskal Herrian. Hori dela eta, ikus-entzuleen ordutegietara moldatzen dira kateak. Lapurdin, Nafarroa Beherean eta Zuberoan, normalean 23:00etarako amaitzen dira prime time saioak. Nahiz eta ETBk Ipar Euskal Herrian ikus-entzuleak izan, Espainiako kateen ereduari jarraitzen dio.