m24 - Udal eta foru hauteskundeak

Bi: "Hausnarketa eguna" ere deitzen zaio gaurko egunari. Frankismo garaikoa da esamoldea eta 1978ko konstituzioan oinarritutako Espainiako erregimenak bere egin zuen. Diktadura garaian izan zen hauteskunderik, ez demokratikoak, baina: hiru erreferendum —diktadorea zuritzeko—, Espainiako Gorteetan "familien ordezkariak" hautatzeko bi hauteskunde, eta beste zortzi udaletako ordezkariak aukeratzeko. Esan gabe doa alderdi politikoak debekatuta zeudela, bakarra zegoela.

Hiru: Horiek hala izanik ere, alderdi gehienek lege hori errespetatzen dute gaur egun, itxuraz. Irudiaren garaian botoa ez da soilik hitzez eskatzen. Eta gaurko egunez, ohitura bihurtu da hautagaiak "bere egunerokoan" azaltzea komunikabideetan: pasieran, kirola egiten, lagunartean... argazki eta bideo bidez. Sare sozialak erabiltzen dituzte horretako. Baina ezin da ezkutatu haietako askok komunikabideak deitzen dituztela. Eta hori ere bada kanpaina egitea.

Aurrez aurre ez, baina bai buruz buru. Olanotarren arteko azken round-a bihar, Berrian.

Kanpainako azken eguna gaurkoa. Diario de Navarra-ren azken inkestak, pasa den igandekoa, zioen UPNk 15-16 eserleku lortuko zituela Nafarroako Parlamentuan, eta emandako emaitzekin ondorioztatzen zuten Nafarroa etorkizunaren arriskuez ohartu dela. Lasaitua hartuko zuen batek baino gehiagok.

Carlos Vilches NUPeko soziologia irakasleak atzo sinesgarritasun handia ematen zion inkesta horri, urte asko daramatzatelako horretan eta sukaldean ondo egosten dituztelako. Hau da, bere hitzetan igandean boto ezkutua izango da Nafarroan UPNren alde, eta horrelako aldagaiak ondo neurtzen dituztela esan zuen, mahai inguruaren ostean.

Ver la portada de Diario de Navarra y sonreir. #nafarrokgaraile Toque de corneta. pic.twitter.com/M9H3o7x2gw

— arratsalde (@arratsalde) May 21, 2015

Atzoko eta gaurko zenbakietan, ordea, Diario de Navarra egunkariak alarma sortu nahi izan du. Atzo azaleko titular nagusira eraman zuen LAB nagusitu egin dela administrazio publikoko hauteskundeetan. Gaur, berriz, Jose Javier Uranga Santesteban Ollarra Diario de Navarra-ko zuzendari ohia eta egunkari horretako fundazioko presidenteak Desd'el Gallo de San Cernín zutabean sekulako sermoia bota du Navarra SOS izenburupean.

Tañen las campanas por nuestra Navarra gris, corrupta y caciquil. Todo se cae. El grito de Ollarra suena desgarrador. pic.twitter.com/dtyiqJLyik

— Dino Altávez (@DinoAltavez) May 22, 2015

Batzuen iritziz beldurra zabaldu nahi dute modu horretan, UPNri horrek beti emaitza onak eman izan dizkiolako. Hori erregimena urduri dagoela ere badiote. Esparzak egunkari horretan gaur dei egiten dio PSNri "euskal independentismoak" gobernatu ez dezan. Gakoa aurten ere PSNk izan dezake, 2007an eta 2011n bezala. Txibitek gaur kanpainako azken egunean ez du ezer argitu: "aldaketa eta Nafarroa Nafarroa izaten segi dezala" bilatzen duten bakarrak direla esan du.

EAJren Zumaiako alkategaiak Baleike.eus-en esan du galtzen badute ere PSErekin akordioa egingo dutela EH Bilduk alkatetza ez hartzeko.

Ernesto Gasco (Donostiako PSE): "Auzoak ez dira existitu Bildurentzat". Igeldo udalerri bat da, beraz...

Ez dira Libre! aldarrikatzen ari. Ciudadanos-ekoak dira.

‘Donostia 2016′ izan zen, astelehenean, Gipuzkoako foru hautagaien eztabaida saioko blokeetako bat. Xabier Olano (EH Bildu), Markel Olano (EAJ), Denis Itxaso (PSE) eta Juan Carlos Cano (PP), ñabardurak ñabadura, alderdiak eta instituzioak kultur eragileak bailiren aritu ziren. Iosu del Moral Ahal Dugu-ko hautagaiak ekarri zuen freskotasuna diskurtsoan: bera kultur arloan dabilen bat dela, kulturari "modu naturalean garatzen" utzi behar zaiola, eta erakunde publikoek egin behar duten bakarra dela hura babestea eta baliabideak jartzea. Besteak ez daude horretan; kultura kontrolatu egin nahi dute politikoki —dela Donostia 2016, dela Tabakalera…—, gero teknikariengan uzteko lanaren pisua.

Izen-abizenekin etxera postaz iritsi diren EH Bilduren boto batzuk ez daude ondo. Adibidez, Oiartzunen gertatu da sobre barruan Lezoko hautes paperak egotea. Erne ibiltzeko eskatu dute. Koalizioko kideak beraiek etxez etxe ere ari dira botoak banatzen.