m24 - Udal eta foru hauteskundeak

Hauteskundeen biharamunak galdera bat utzi du: Catalunya Si Que es Pot-en botoak nola zenbatu behar dira? Ez dute publikoki independentziaren aldeko hautua egin, baina esan dute erabakitzeko eskubidearen aldekoak direla, eta ez zenbatzeko euren botoak unionisten artean. BERRIAren grafikoan zehaztu dugu.

Efe albiste agentziaren arabera, ordea, hau da Espainiako Gobernuaren mezua: Masek porrot egin du bere estrategia sezesionistan. Efen arabera, Rajoyren gobernuak gogorarazi du Kataluniako estatutua aldatzeko parlamentuaren bi heren behar direla. Zer egingo lukete kasu horretan Catalunya Si Que Es Pot-ekoek?

Emaitzak argi daude: independentistak gehiengo dira parlamentuan, baina botoetan ez dute irabazi. Hala ere, prozesuarekin jarraitzeko babesa dutela adierazi dute, eta Espainiari eskatu diote aitortzeko.

Junquerasek esan du eserlekuetan eta botoetan irabazi dutela, baina oraingoz ez dirudi horrela izango denik. Badirudi botoetan Cs+PP+PSC+CSQP+UDCk irabazi dutela, alegia, independentziaren alde agertu ez direnek.

Junquerasek esan du aurrera egiteko behar adinako gehiengoa dutela. "In-inde-independencia" ohiuak Junts pel Si-ren egoitzan.

Junts pel Si-ren egoitzan Romeva, Mas eta Junqueras. Oihuak eta bandera asko, garaipena ospatzeko. Junquerasek esan du eserlekuetan eta botoetan irabazi dutela.

Botoen erdia zenbatuta, eserlekuak egonkortzen ari dira. Datu bat: botoen erdiarekin independentistak milioi bat dira. Iazko galdeketan 1,8 milioik bozkatu zuten independentziaren aldeko bai bikoitzaren alde.

Boto zenbaketan herena zenbatuta badirudi unionistak aurretik direla. Eserlekuetan %36a zenbatuta, CUPek eserleku bat kendu dio PSCri.

Boto zenbaketa iragan da %10etik, eta lehen boto horien arabera, gauza bat argi dago: independentistek gehiengoa izango dute Parlamentuan. Ikusteko dago, ordea, zenbat eserleku izango dituzten. TV3ek 74 ematen zizkien. Boto zenbaketa ere kopuru horretan hasi dute, eta gero 72ra jaitsi dira.