m24 - Udal eta foru hauteskundeak

PSNren gaurko "mítines express" bat. Iruñekoa. Merkea. Absurdoa.

Ciudadanos eta Guardia Zibila. Ustelkeriaren Aurkako Behatokiak jakitera eman duenez, Ciudadanos alderdiak Jose Alberto de la Nava Iruñeko zerrendatik kanpo utzi du "Guardia Zibilaren eta probintziako epailetzako magistratu baten presioengatik". Iruñeko Udalerako zerrendan bigarrena zen De la Nava. Guardia Zibileko sarjentua da, baina kanporatua eta erretiroa hartzeko prozesuan. Urte hasieran Iruñeko komandantzian izandako ustezko "irregulartasun, mehatxu eta presioak" salatu zituen bideo hauetan:

Alderdiak ukatu egin ditu presioak.

Ostegunean, Nafarroako Parlamenturako hauteskundeez elkarrizketa digitala egingo du Joxerra Senar BERRIAko kazetariak. Bidali zure galdera.

Xabier Olano EH Bilduko Gipuzkoako zerrendaburu eta ahaldungai nagusia elkarrizketatuko dugu bihar. Zer galdetuko zenioke?Nahi izanez gero: [email protected] helbidean.

Donostiako EAJren kanpaina Twitterren. Eneko Goia alkategaiak orain arte erabili duen kontu pertsonala eten egin zuen martxoaren 14an eta kanpainarako soilik beste bat ireki. Zergatik? Erabaki egokia al da?

https://twitter.com/enekogoia

https://twitter.com/enekogoia2015

Bihar BERRIAn Denis Itxaso PSE-EEren Gipuzkoako ahaldungai nagusiarekin elkarrizketa. Bi galdera-erantzun:

- EH Bildurekin ez baduzue akordiorik egin nahi, aukera bakarra duzue, ematen duenez: EAJ. Ezer lotuta ba al daukazue?
- Ez.

- Eskuineko alderditzat al duzu EAJ?
Neurri handi batean, bai.

Zeraingo herri hautagaitzak bidalitako oharra: "Azken 36 urteetan Zerainen Herri Kandidatura bakarra egon da herritarren babes zabalarekin. Aurten EH Bilduk ere hautagaitza aurkeztu du. Egoera berri horretan, Zeraingo Herri Kandidaturak bere hautagaitza erretiratzea erabaki du, herri batzarrak hala babestuta. Erabaki horren berri eta herrian dagoen egoera bitxiaren berri emateko, prentsaurrean agertuko dira hautagaitzako kideak ostegunean".

Martin Garitanoren Kazetari bat agintean, tartez batez erreportajeaz azken post scriptum-a: "Esaten da bidegurutze batean dela Euskal Herria. Nik sarri pentsatzen dut EAJ bidegurutzean bizitzera ohituta dagoela, eta jarriak dituela hotel bat, gasolindegi bat, jatetxe bat, frontoi bat eta eliza bat, eta bertan goxo dagoela. Hala ere, baikorra naiz etorkizunera begira".

Igandeko Hizpide horretan ohartarazten du, ordea, Mikel P. Ansak arrisku batez: apurtzaile eta gertuko izan nahiaren nahia arrunt bilkatzea. Zail dagoela original izatea, alegia.
Eta asteburuak izan ditu horren adibide bi: Jose Javier Esparza UPNren presidentegaia eta haren taldeko kideak bizikletan, unibertsitatera bidean. Eta Maite Esporrin PSNren Iruñeko Udalerako hautagaia, yoga egiten Ziudadelan. Arrazoi du Mikel P.Ansak: zail dago original izatea.