2018-07-31
Gustura dago Agus Hernan Foro Sozialeko koordinatzailea urte politikoak eman duenarekin, "izugarrizko aurrerapenak" eginn direlakoan. Euskal presoen auzia askatzen hasteko aukerak daudela dio.
2018-07-08
Bata, Ipar Euskal Herriko eskuinaren ordezkaria urteetan; bestea, Askatasuna erakundeko bozeramailea lehenik, eta Bake Bideko lehendakaria gero. Biek, ordea, elkarri hitz egiten ikasi behar izan dute, datozen belaunaldiei begira, Aietetik sentitu duten ardura historikoa dela eta. https://www.berria.eus/ahomentan2018/07/08/ezina_hitzez_egina.html
2018-07-03
Coviteko kideak azpimarratu du bere elkartea ez dagoela euskal presoak hurbiltzearen kontra, baina uste du preso bakoitzaren jarreraren arabera egin behar dela hori, eta irizpide argiak zehaztu behar direla horretarako.
2018-06-10
Euskal gatazkaren konponbide prozesuan murgilduta dago Etxegarai. Uste du presoek "rol handia" izan dutela egungo jokalekua sortzen, eta estatuen inplikazioa eskatu du: "Ez badaude, luze joko du".
2018-05-25
[ETAren ibilbidea. eta VII] Lizarra-Garazi akordioaren hausturaren ondoren, ETAn sartu zen Elizaran, eta klandestinitatean zela ezagutu zituen konponbide politikorako ondorengo prozesuaren saioa eta ezker abertzaleko eztabaida estrategikoaren hasiera. Aitortu du talka bat egon zela ezker abertzalean, eta uste du "aukera onena" atera zela aurrera.
2018-05-20
ETA desagertuta, presoen korapiloa askatzea da lehentasuna Fernandezentzat. Uste du gizarteratzea dela alternatiba "bakarra" eta "errealistena". Hori errazteko dekretua prestatzen ari da Eusko Jaurlaritza.
2018-05-12
[ETAren ibilbidea, VI] ETAn urteak igaro ostean, haren estrategiatik aldendu egin zen Carmen Gisasola, kide batzuekin batera. Lizarra-Garazi aurreko garaiak ziren. Uste zuen garaia zela borroka armatua alboratzeko eta fase politikora pasatzeko. Gero, 'Langraiz bideko' kideetako bat izan zen. 2011n hasi zen baimenekin, eta 2014an utzi zuen kartzela.
2018-05-09
[ETAren ibilbidea, V] 1977an sartu zen ETAn Mertxe Galdos, eta handik bederatzi urtera atxilotu zuten, Iruñean. Hego Euskal Herriaren zatiketa administratiboa burutu berriko garaiak ziren. Uste du Madrilentzat Nafarroa estatu auzia zela, eta Poliziak laborategi moduan erabili zuela herrialdea. Esan du Aljerkoa aukera handi bat izan zela.
2018-05-08
Azken hamarkadan, Conciliation Resources erakundeko zuzendariak oso gertutik erreparatu dio Euskal Herriko gatazkari bukaera adostua eskaintzeko ahaleginari. ETA desagertuta, uste du presoak urruntzeko argudioa ere desagertu dela.
2018-05-06
ETAren amaieraz Genevan eginiko bilkuran izan zen Frantziako Justizia ministro ohia, "ardura" sentitzen duelako. Astiro bada ere baketzean aurrera egiteari ematen dio garrantzia, eta ziurtzat jo du iheslarien auzia ere landuko dela.
