Joan den astean, polizia bat hil zen Michael Stuerzenberger eskuin muturreko politikariaren aurkako atentatu batean, Mannheim hirian (Alemania), eta hiri horretan bertan beste eraso bat izan da bart, oraingoan Heinrich Koch eskuin muturreko hautagaiaren aurka. AfD Alemaniarentzako Alternatibako kidea kanpaina egiten ari zen labanaz zauritu dutenean.
Político conservador é esfaqueado por militante de esquerda na Alemanha
— Fernanda Salles (@reportersalles) June 5, 2024
O incidente ocorreu em Mannheim, a mesma cidade onde, há cinco dias, um terrorista islâmico matou um policial e feriu outras cinco pessoas.
A vítima, Heinrich Koch, é candidato às eleições locais que… pic.twitter.com/YYoBdVwKO8
Atzo 22:45ean gertatu zen erasoa, hiriko merkatuko plazaren inguruan. Eskuin muturreko politikaria kartelak itsasten ari zen, eta, jarri ahala, kentzen ari ziren beste hiru lagun, AfDko bozeramaile Emil Saenzek azaldu duenez. Koch kargu hartzera joan, eta labanaz eraso zioten. Politikaria ospitalean da, baina ez du zauri larririk.
Erasotzailea atxilo hartu dute, baina harekin batera zeuden bi lagunek ihes egin dute. Kochek berak grabatutako bideo batean erasoa ikus daiteke, eta AfD alderdiak zabaldu egin du bideo hori.
