28 urteko gizon bat atxilotu zuten asteburuan Donostian, autoarekin 35 urteko beste gizon bat harrapatzeagatik. Bi gizonek eztabaida bat izan zuten larunbat arratsaldean, Martuteneko biribilgunea eta Zorroagako tunela batzen dituen errepidean, eta orduan gertatu zen ezbeharra.
Eztabaida izan ostean, bi gidariek euren autoak gelditu zituzten tuneletik ehun metrora. 28 urteko gizonak bestearen auto jo zuen. 35 urteko gizona, autotik jaitsi, eta beste ibilgailuaren aurrean jarri zen, ihes egin ez zezan. 28 urteko gizonak, ordea, aurrera egin zuen, eta bestea harrapatu zuen. Ospitalera eraman behar izan zuten, larri.
35 urteko gizonezkoa harrapatu zuen gidariak ihes egin zuen, baina udaltzaingoak handik gutxira harrapatu zuen Amara Berrin. Epailearen aurretik pasatu beharko du orain.