Euskaltzaindiak bere hiztegia eguneratu du, eta beste 1.103 forma jaso ditu azken sei hilabeteotan: 386 sarrera, 434 azpisarrera eta 283 ohiko lexia. Gainera, 2.524 forma moldatu edo findu ditu. Horrenbestez, orotara, 50.535 forma jasotzen ditu orain hiztegiak: 68.198 adiera, 111.193 adibide eta 519 esaera zahar.
Hiztegian 386 sarrera gehitu dituzte: aurrerantzean bertan egongo dira, besteak beste, barizela, eskirol, eskopetari, enpaste eta zalantzagarri. Hitzak ez ezik, azpisarrerak ere berritu dituzte: gaupasa egin, gerra zikin, fruitua eman eta etxe oneko, adibidez.
Horietaz gainera, beste 2.524 sarrera hobetu edo osatu dituzte: sustoa eman, alferkerian eta afaria egin, besteak beste.