Juan Martinez de Irujo eta Mikel Urrutikoetxea ariko dira aurrez aurre Lau t'erdiko txapelketako finalean. Palmaresari begiratuta, Iberokoa da faborito, baina Zaratamokoa txapelketa bikaina eginda heldu da finalera.
Irailaren 27an, independentziari buruzko plebiszitu kutsua duten bozak egingo dituzte Katalunian. 68 ordezkari behar dira gehiengo absolutua lortzeko, eta horiek eskuratuz gero independentzia prozesuarekin aurrera jarraitzeko asmoa azaldu du Artur Mas Kataluniako Gobernuko presidenteak. Inkestek paretsu jarri dituzte baiezkoaren eta ezezkoaren aldekoak.
Kataluniako hauteskundeetara aurkeztuko den Junts Pel Si-ko zerrendaburu Raul Romevak adierazi du gaztelaniak ofizial izaten jarraituko lukeela balizko estatu katalan batean. Hala behar al luke Euskal Herrian ere?
Zezenketak itzuli dira Donostiara, eta protestak eragin ditu horrek.
Europako Batzordea, Nazioarteko Diru Funtsa eta Europako Banku Zentralak akordiorako eginiko azken proposamena herritarren esku utzi du Alexis Tsipras Greziako lehen ministroak. Erreferendumera deitu du uztailaren 5erako, herritarrek onar edo bazter dezaten hartzekodunen proposamena.
a: b: c:
Herrialde katalanetan, txertorik hartu ez zuen ume bat larri dago, difteriak jota. Horrek eztabaida sortu du txertoak hartzeko derrigortasunaren inguruan.
Bartzelona izango du aurrean Athleticek Espainiako Kopako finalean. Sei urtean hirugarren aldia izango da bi taldeek kopako finala jokatuko dutela, eta Athleticentzat laugarren finala izango da epe berean.
Aspaldi luzean ezaugarri bat izan du Bizkaiko egoera politikoak: EAJren nagusitasuna. Jeltzaleek boto kopururik apalenak lortu dituzten hauteskundeetan ere, Bizkaia beti izan da EAJrentzat biltegi segurua. Aurreko foru hauteskundeetan 22 eserleku lortu zituzten, eta erabateko gehiengoa eskuratu ez bazuten ere, aise samar kudeatu dute erakundea agintaldi honetan. Bilbon, berriz, Azkunak gehiengo osoa lortu zuen zinegotzi kopuruan. Azkunaren ondorengo lehen bozetan, ordea, horri eutsiko dion ikusteke dago.
Lehia estua iragarri dute inkestek Arabarako; EAJ eta EH Bildu lirateke lehen bi indarrak, eta egun lehen indarra dena, PP, jaitsi egingo litzateke.
Lehia estua egongo da Gipuzkoan, azken inkesten arabera, EH Bildu eta EAJren artean. Orain dela lau urte 40.000 botoko aldea atera zion Bilduk EAJri.
Hasi da hauteskunde kanpaina, eta Nafarroan bereziki maiatzaren 24ra begira daude begirada guztiak. Garbi dago gehienego osorik ez dela egongo, eta akordioek baldintzatuko dituzte hauteskundeetako emaitzak.
