Zuzendariaren adin muga handitu ala ez bozkatuko dute NDFko 189 kideek

WASHINGTON. Kristalina Georgievak Nazioarteko Diru Funtseko zuzendari izateko traba bat gainditu du. Izan ere, NDFko buruzagitzak onartu du 189 kideen artean bozkatzea ea onartzen ote duten 65 urtetik gorakoak erakundeko zuzendari hautatzea. Georgieva bulgariarrak abuztuaren 13an gainditu zuen adin hori. Europako Batasunak proposatu du Georgieva; ohituraz, europarrek hautatu dute NDFko burua. Christine Lagarde orain arteko zuzendariak EBZ gidatuko du.