Atzerriko base militarrak Uzbekistanen jartzea debekatzeko legea onartu du hango senatuak. AEBek 2014an tropak Afganistandik erretiratu ostean Uzbekistanen base militar bat jartzeko asmoaren berri eman eta astebetera etorri da erabakia. Atzerriko Herrialdeen Ekintzari Buruzko Legea Islam Karimov presidenteak sinatutakoan sartuko da indarrean, eta, haren arabera, herrialdea nazioarteko erakunde militarretatik irteteko konprometitu da.
Horrek auzoko herrialdeen zalantzak ezabatu ditu. Iragan ekainean CSTO Segurtasun Kolektiboaren Itunaren Erakundetik kanporatu baitzuten Uzbekistan, Washingtonekin zituen harremanengatik. Izan ere, 2005ean Karimovek AEBetako tropak Karxi-Janabadeko basetik erretiratzeko agindu zuen, baina bi herrialdeek harremanak hobetu dituzte, eta Hillary Clinton AEBetako Estatu idazkariak militarki elkarlanean aritu ez zitezkeen herrialdeen zerrenda beltzetik atera du Uzbekistan oraintsu.
Uzbekistango Senatuak atzerriko tropak debekatzeko legea onartu du
AEBek Uzbekistanen base bat jartzeko asmoa zuten, beren soldaduak Afganistandik erretiratutakoan
Iruzkinak
Ez dago iruzkinik
Ordenatu
