Asteburua bete-betea dator mendi lasterketei dagokienez. Bost proba jokatuko dira asteburuan, haietako lau igandean, eta guztietan bereziena Eskoriatzan biharko antolatu duten Gabez Takarraran izango da. Izenarekin bat eginez, gauez jokatuko da lasterketa, 23:00etan. Lasterkariek ia 21 kilometroko ibilbidea osatu beharko dute, kopetako argia jantzita, eta ibilbidean Aitzorrotzera igoko dira.
Igandean jokatuko dira beste lau lasterketak: Ereñotzuko Mendi Lasterketa, Hernanin; Lakuntza-Aralar lasterketa, Lakuntzan; Kosta Trail, Getxon; eta Galdaramuñoko Igoera, Eibarko Urki auzoan. Ezaugarri eta luzera desberdineko lasterketak dira guztiak. Lakuntza-Aralar Euskal Kopako bigarren lasterketa izango da. Proba horien inguruko argibide eta xehetasun gehiago nahi duenarentzat: www.euskaltrail.com.
Mendia
Eskoriatzan, Lakuntzan, Getxon, Eibarren eta Ereñotzun, lasterketa bana
Gabez Takarraran bihar gauean jokatuko da, 23:00etan: lasterkariek kopetako argiarekin egingo dute korrika
Iruzkinak
Ez dago iruzkinik
Ordenatu
