Andoaingo mendizale bat zendu da Pirinioetan

ANDOAIN. Jose Antonio Amilibia Katto mendizale andoaindarra hil zen herenegun, Pirinioetan. Tuca de la Corbetas mendiaren hegoaldean zegoen. Erori, eta 30 metro amildu zen. Istripua izan zuenean bakarrik zegoen, eta beste mendizale batzuek eman zieten abisua larrialdiei. Oso leku zailean zegoen gorpua, eta helikopteroz erreskatatu behar izan zuten.