Asmazak, asmazan

Asmazak, asmazan

1

Oraingo honetan gipuzkeraz, bizkaieraz eta lapurteraz abesten da.

2

Esku bat atzean ezkutatzen da, eta nahi diren hainbat hatz aukeratu behar dira.

3

Abesten hasi eta «hementxe zenbat hatz dira?» esatean, jokalari bakoitzak eskuak erakusterakoan azalduko diren hatz kopuru osoaren zenbakia bota behar du.

4

Ondoren eskuak denen aurrera ekarri eta zenbatu egiten dira. Asmatu duen inor balego, huraxe da irabazle.

ABESTIA

(Haur jolasen abestiak, hikhasi.eus)

Gipuzkeraz:

Asmazak, asmazan,
Donostiako plazan,
hiru atso omen dira,
hemen zenbat behatz dira?

Bizkaieraz:

Asmazak, asmazan,
Iurretako plazan,
hiru atso omen dira,
hementxe zenbat hatz dira?

Lapurteraz:

Asmazak, asmazan,
Baionako plazan,
hiru atso omen dira,
hemen zenbat eri dira?

DATUAK

  • Partaide kopurua: gGutxienez 2.
  • Adina: 4 urtetik aurrera.
  • Materiala: ezer ez.
  • Espazioa: edozein.
top