Gorputz osoa luzatzeko jarrera egokienetako bat aurkeztuko dizuet gaurkoan. Mugimendua natural bihurtzen dugunean, esfortzua eten eta arintasuna eta askatasuna antzematen dira.
- Zutik jarri, jarrera eroso eta egonkor batean.
- Orain, zabaldu hankak aldakaren zabalera baino pixka bat gehiago, oin puntak apur bat kanpora begira dituzula. Elkartu eskuak, eta eraman bularraren erdira. Arnasa hartuz, zuzendu bizkarrezurra.
- Arnasa botaz eta erlaxatuta, jaitsi gorputza eseri nahi bazenu bezala, ukondoak belaunen barruan dituzula.
- Arnasa hartuz eta bizkarra zuzen edukiz, altxatu poliki-poliki, zutik geratu arte.
Jarrera hau hiru aldiz errepikatu dezakezu.
