Botere gehiegikeriari buruzko antzezlan bat estreinatu du Marie de Jongh konpainiak: ‘Bo jauna’. Gai «unibertsala eta atenporala» dela diote kideek, eta helduak bezala haurrak ere ukitzen dituela.

Abenduaren 16an irabazi zuen Bizkaiko Bertsolari Txapelketa Nerea Ibarzabalek (Markina-Xemein, Bizkaia, 1994), bigarrenez. Finaleko eta ondorengo zurrunbilotik aterata, pozik dago, oporrak hartzeko gogotsu.

Haurren ‘Mihiluze’ programa bereziak emango dituzte aste honetan. Hiru eguneko ligaxka izango da, eta ostiralean jokatuko dute finala. Aplikazioa ere haurrentzako izango da, eta ohi baino sari gehiago banatuko dituzte.

Vivian Mayer argazkilaria inspirazio iturri gisa hartuta, ‘Kuku. Ezkutuan dauden emakumeak’ antzezlana sortu du Eidabe antzerki taldeak. Artista izatearen garrantzia aldarrikatu dute bertan.

Orereta ikastolak Errenteriako Añabitarte baserrian jarri du Mari Domingiren Errepublika Magikoa. Ikastolako haurrentzat sortu zuten hasieran, baina edozeinek bisita dezake orain. Ibilbidea egiteaz gain, opariak eskatzen dizkiote Mari Domingiri.

‘Txapasen kaxa magikoa’ CD-liburua argitaratu dute Pirritxek, Porrotxek eta Marimototsek, Josu Txapartegi ‘Txapas’ irakaslearen eta musikariaren omenez. Musikaren bidez eman izan die haurrei inguruaren eta gatazken berri.

Asteazkenetik igandera, 950 nobedade hartuko ditu Durangoko Azokaren 58. aldiak. Fantasia DA! lelopean, 257 erakusmahai izango dira Landako gunean, eta 265 ekitaldi antolatuko dituzte. www.durangokoazoka.eus webgunean daude ikusgai lan guztiak.