Beñat Oribek eta Gari Uriartek (Agurain, Araba, 1994) sortu zuten Dupla taldea, 2019an; bi kide izateak lanak «asko errazten» dituela dio Uriartek. Musika estilo berri bat ekarri zuten Euskal Herrira, haiek entzuten zutenetik edanez, eta plazaz plaza dabiltza harrezkeroztik.

Beldurrei buruzko antzezlana estreinatu du Anodino Teatro antzerki taldeak: ‘Mamuak ezagutzera joan zen umea’. Txotxongiloez baliatuz, eta tonu umoretsuan eraikitako ikuskizun familiarra da.

Datorren ostiralean eta larunbatean egingo dute Ikusi Mikusi haur eta gazte literaturako azoka, Saran. Ikasleek hainbat lan egin dituzte, bertan parte hartzeko; besteak beste, Sarako ikastolako haurrek.

Denboraldi biribila egin dute Arraun Lagunak-eko arraunlariek. Denboraldiko bandera guztietan gailendu dira, eta Kontxako Bandera eta Euskotren Liga hirugarrenez irabazi dituzte. Bertako arraunlaria da Lorea Etxabe (Pasai Donibane, Gipuzkoa, 2000), eta emaitzez harago, denboraldia ederra izan dela nabarmendu du.

Abuztuan, oporrak hartzen ditu MANTANGORRIk, ikasturte berriari gogotsu ekin aurretik atseden hartzeko. Dena den, albisteen emariak ez du etenik, eta, hortaz, gaurkotasunaren haria ez galtzeko, udan gertatutakoak bildu eta azaleratu nahi ditu haurren gehigarriko ikasturteko lehen zenbakiak.

Uztailaren 26tik abuztuaren 11ra jokatuko dira Olinpiar Jokoak, Parisen. Duela hiru urte Tokion jokatu zirenak ikuslerik gabe eta murrizketa askorekin jokatu zituzten, baina oraingo horiek ez dute murrizketarik izango. 206 herrialdek parte hartuko dute: besteak beste, 42 euskal kirolarik.