Bilbuk ez du inora oinez joan nahi. Jakina, nahiago du amatxorekin arretxikili ibili! Baina amatxo neka-neka eginda dago. Hainbeste, ezen atseden hartzea erabaki baitu, Bilburen kotxetxoan eserita…

Aurtengo udan dena lehor dago: zerua beti urdin, belardiak hori daude, eta igerilekuak hutsik! Junek euria egiteko teknika guztiak probatu ditu: gaizki kantatu du, marigorringoak eta tximeletak bilatu ditu, euritako bat ere margotu du…

Hegoak zabaldu eta hitz egiten dut, eta kontatu. Zoritxarrez, askotan, itxiak izaten ditut hegoak, hitzak preso edukiko banitu bezala…

Jakomintxo zintzoa da, atsegina, adimentsua... Gehiegi maite dugu? Ezta pentsatu ere! Jakomintxo maitagarria da. Lehen haurtzaroaren etapa ederrerako gozagarri.

Lehen eskola eguna da, eta Brunak lagun berri asko egin ditu. Guztien izenak gogoratu nahi ditu, gero aitonari banan-banan aipatzeko. Eta, horretarako, zer hoberik abesti bat baino? Ipuinaren bidez, egileak alzheimerra zer den eta zer ondorio dituen azaldu nahi die haurrei.

Oroimenaren garrantzia azpimarratu nahi du liburu honek. Aitonak bilobari kontatuko dio arbola berezi batek zer eragin izan duen bere bizialdian, eta ondorengo belaunaldiei transmititu nahi die maitasun hori.

Katixak bere amonak Alzheimerren gaitza duela jakin du. Alzhei... zer? Katixak ezin du hitz hori ulertu. Gauza bat baino ez daki: amonak laguntza behar du.

Feminismoan eta ekologian, injustiziaren aurka eta gizarte bidezko eta bizigarriago baten alde borrokatu dira Eider eta Harkaitz. Militantziaren alde ilunaz ere jabetu dira gaztaroko urteetan aurrera egin ahala. Horretaz hasi dira solasean Andoaindik abiatuta Leitzarango ibarrean zehar...

Sagutxo bat etxetik atera da jolasteko norbaiten bila. Bidean, buztan oso desberdinekin egin du topo, baina ez dute harekin jolastu nahi. Asko ibili eta gero, buztan gris bat ikusi du. Jolastu nahi ote du haren jabeak sagutxoarekin?

Noraino eraman gaitzake mendeku goseak?  Zilegizkoa da minari minez erantzutea? Gaizki-ulertu bat tarteko, liburu honetako protagonista (irakurlea bera) abentura misteriotsu bezain arriskutsu batean murgilduko da. Gai izango al da etorkizun berriak sortzeko?