Aita baten eta haren alabaren arteko maitasun sakona, eta ikusteko mugetatik harago ikusteko gaitasuna agertzen dira liburu honetan. Iluntasunean bizitzeak edo ikus-eremu murriztua izateak ez dute zertan bizitza oso baten garapena oztopatu.

Martzelo haur itsu bat da. Nahiz eta itsua izan eta begiak erabili ez, oso ondo baliatzen da gainontzeko zentzuekin; esan nahi da eskuekin edo belarriekin. Halere, haur batzuek uste dute haur gaixoa dela. Baina, ez da gaixoa. Hori oso ondo daki Marimattalen Katiuxkak.

Peru eta haren ama gose ziren. Haien etxetik hurbil Tartalo eta haren emaztea bizi ziren, ardi asko zituztenak. Peruk amarruren bat asmatu beharko zuen ardi pare bat lortzeko...

Peluxezko hartzatxo leun bat, zapata distiratsuak, punpaka dabilen baloi bat... Haurrek hamaika testura harrigarri aurkituko dute liburu honetan, irudimena sustatu eta txiki-txikitatik ikasten hasteko.

Aspaldi, Isovol herrian, iturrira joateko errekaren bestaldera joan behar zuten, baina zubirik ez. Egun batean, deabruak zubia eraikitzea eskainiko dio Ponetari, arimaren truke. Onartuko ote du tratua Ponetak?

Material honekin kantuan eta boz goran jolasterakoan, zenbakiak, letrak eta koloreak landu daitezke.  Oharkabean, bertsotako hainbat doinu, errima, neurri, hitz joko eta errepikapen ere aurkituko ditugu.

Maite Mutuberriak sortutako album ilustratuak poza du abiapuntu. Poza biribila da, barruan daramagun zurrunbiloa. Leunki ateratzen da askotan, haize epela bezala. Beste batzuetan, ordea, xirimolaka kanporatzen dugu, irri eta algaraka.

Elmer triste jarri da ostadarrak koloreak galdu dituela ikusi duenean. Beti bezala, Elmer prest dago laguntzeko, baina zer gertatuko da harekin, ostadarrari ematen badizkio bere koloreak?

Nola izan daiteke zoriontsu ilerik nahi ez duen katu bat? Gainera oooso iletsua da! Eta ileak galtzea beste aukerarik ez balu? Esaten erraza da, baina ez da hain erraza lortzen…

Giza gorputza mekanismo zehatza eta liluragarria da. Liburu honetako enigmen bidez, misterio harrigarri batzuen kausa asmatuko duzu gure anatomian eta sistemetan barrena ibili ahala. Jarri burmuina martxan, eta irudimena hegan!