Nurri ikaragarri gustatzen zaio zirkua, betidanik; zirkua ez ezik, oso gustukoa du earthing egitea; alegia, belar gainean oinutsik ibiltzea. Halako batean, zirku miragarria aurkituko du Nurrek, ezustekoan, bere toki sekretuan.

Gaur egungo hiru ipuin dituzu liburu honetan, betiko eran kontatzeko; aukeran, ohera joan aurretik irakurri eta amets egiten laguntzeko. Hiru istorio eta hiru egia: azeri gosetiegia, erbikume ausartegia eta zuhaitz harroputzegia.

Elkarrekin hitz egiteko irudiak dira liburu honek proposatzen dituenak. Aukera eskaintzen du eguneroko bizitzako gertaeren edo egoeren inguruko irudiak elkarrekin ikusteko eta hortik abiatuta elkarrizketa bat izateko haurren eta helduen artean.

Liburu honetan, jokoak eta jarduerak aurkituko dituzu, oso modu dibertigarrian kontatzen ikasteko. Eranskailuak dauzka.

Abererik dibertigarrienak baserrian bizi dira. Belar ondua eta azenarioak jaten dituzte, lokatzetan jolasten dira, eta belarretan egiten dute lo. Ikusten al duzu ardia gozo-gozo jaten? Ikusten al dituzu ahuntzak gora eta behera? Eta non dago oiloa?

Gosez amorratzen zegoen otso zahar bati, ustekabean, arkumetxo bat etorri zaio bisitan, eta harekin erregosi goxo bat prestatzeko irrikaz dago. Arkumeak, ordea, ez du otsoaren afaria izan nahi, haren laguna baizik...

Migranteak, errefuxiatuak, erbesteratuak, bonbardaketak, indarkeria, gerra, gosea, beldurra, exodoa, kanpamentuak, haurrak, paterak, erreskateak, itotakoak, mugak, ilegalak… Isiltasuna. Zenbat muga zeharkatu behar dira etxera iristeko?

Bi umek albiste bat jasoko dute eskola eguna amaitzean: biharamunean bi immigrante helduko dira ikasgelara. Immigranteak? Hitz hori entzuten duten lehen aldia denez, esanahi posibleetan pentsatzen igaroko dute iluntzea: zer izango ote dira?

Ume batzuen ileak loak hartuta daude, beste batzuenak kizkurtuta, ile batzuk gariaren antzekoak dira, beste batzuk lainoaren modukoak. Batzuen larruak lurraren kolorekoak dira, gero eta gehiago dira ostadarraren koloreak. Haize kolorea, euri kolorea, trumoi kolorea, sandalo kolorea…

Antzara amak eta haren txitek hegoaldeko lur epeletarantz egingo dute hegan. Bizkitartean, gerran dagoen herrialde batetik hanka egin nahian, giza familia batek ihesari ekingo dio iparralderantz. Bietan daude erauntsiak, janari eskasia, predatzaileak eta mafiak...